قصيدة طلعن خوات حسين للرادود ملة باسم الكربلائي

اذهب الى الأسفل

قصيدة طلعن خوات حسين للرادود ملة باسم الكربلائي

مُساهمة من طرف ابن النهرين في الأحد 24 أبريل - 11:32

قصيدة طلعن خوات حسين للرادود ملة باسم الكربلائي

طلعن خوات حسين

طلعن يسألنه

وحدك اجيت النا

وين التكفلنا

عباس اخونا وين

عندك خبر عنا

و يناشدن منه

وين التكفلنا

جاوبهن المظلوم

غاب الكمر هاليوم

من راح ابو السجاد صوب الشريعة

راح او لكة العباس کفوفة كطيعه

للخيمة رد ردود بنوح و فجيعه

تلكنه بالصرخات بنات الوديعه

لمخيمك رديت وحدك يوالينا

وين الكمر وينه

ننتظرة ضلينا

للخيمة وحدك جيت

يلوالي حاجينة

نار العطش بينا

ننتظرة ضلينا

نادى بقلب مهموم غاب الكمر هااليوم

سبط النبي من شاف حالة خواته

تتسافح من العين دمعة بناته

انجمعت عليه النوب كل نايباته

يتمنى صار الموت تخلص حياته

بباب الخيم محتار يتأمل اطفاله

و يشاهد الحالة

شيخبر عياله

دلاله يلهب بنار

شيطفي دلاله

وانكطعت اماله

شيخبر عياله

شينطي خبر و علوم غاب الكملر هاليوم

كل لحظة بالدمعات تكصدله طفلة

تنظر له عين بعين تبجي و تصد له

ها الطفلة بالعبرات صارت تسأله

يابوية عمي وين مهمومة لاجله

شيجاوب الاطفال

باب الخيم لمة

و تجمعوا يمة

محتار ابو اليمة

ساكت غدا بهالحال

ماتطلع الكلمة

زاد و کثر همه

محتار ابو اليمة

و علی الجفن مرسوم غاب الكمر هاليوم

ساكت وكف محتار و عيونه تدمع

طفلة و تريد جواب من عنده تسمع

حاير وكف شيكول يا كلمة تطلع

و يشاهد الرضعان بالدمعه ترضع

لن زينب تناديه

حاجيني ياابن امي

يل زيدت هضمي

همك مثل همي

شعندك خبر تخفي

ادري الكمر مرمي

جسمه وكع مدمي

همك مثل همي

صاح شيفيد اللوم غاب الكمر هاليوم

نادى بقلب محزون جمراته تلهب

يم النهر عباس عفتة يا زينب

طايح بلا جفين بالدم تخضب

سهم الكدر بالعين طاح و تصوب

الكيته علجرف الماي

متوذر الكيته

لمن تعنيته

يا ما ترجيته

ناديته كوم وياي

يا خوية ناديته

بدموعي حاجيته

يا ما ترجيته

و جروحه تجري دموم غاب الكمر هاليوم

ودعته اخوي هناك و دموعي تجري

ظهري انكسر و مشيت ايدي على ظهري

اتخطى على الجمرات امشي على صبري

فوضت من فركاه للباري امري

يازينب او تدرين

طبع الصبر بينه

بالرحمة بارينة

هو الي يجازينة

والواجب تصبرين

هالمحنة تكفينا

متقدر علينة

هوة اليجازينا

و بحكمة القيوم غاب الكمر هاليوم

طلعن خوات حسين

طلعن يسألنه

وحدك اجيت النا

وين التكفلنا

عباس اخونا وين

وين التكفلنا

جاوبهن المظلوم غاب الكمر هاليوم


التحميل من هنا

[ندعوك للتسجيل في المنتدى أو التعريف بنفسك لمعاينة هذا الرابط]


[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]



avatar
ابن النهرين
المدير العام

الجنس : ذكر
الابراج : الحمل
عدد المساهمات : 1521
تاريخ الميلاد : 28/03/1981
تاريخ التسجيل : 25/11/2010
العمر : 37

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى